الحب هو جحيم الدنيا وغالبا بنسمع قصص بتنتهي بدمار الشخصين او على الاقل واحد منهم . يعيش الاول حياته و الثاني يا حرام ينهار وتتاثر عيشته لا ليله ليل ولا نهاره نهار !!
والمثير بقى ان الاول واللي يعيش حياته يكون هو الظالم اما الثاني مسكين هو المظلوم عشان كدة فيه نصايح عشان تتخلصي من الحب القديم :
اولا :
متدخليش في الذكريات القديمة مهما حصل وابعدي عنها بقدر المستطاع فالذكريات سواء كانت وحشه او جميلة تتعب القلب والروح والذكريات بتفكرك بالمشاعر القديمة ويمكن يجيلك اكتئاب ويأس .
ثانيا :
اوعي تقري الاشعار والرسائل القديمة اللي بتكون يا على الورق او على الايميل او في رسائل الموبايل وطبعا كل ده لازم تتخلصي منه حتى لو كانت عزيزة على القلب ومتقريش اشعار الغرام والغزل لانك هتقلبي الذكريات والمواجع على نفسك
ثالثا :
ابعدي ولو مؤقتا عن التلفزيون يعني المسلسلات والاغاني اللي فيها قصص حب وغرام وبالذات الاغاني لانها بتقلب المواجع وحاولي تبعدي لفترة وتشوفي الصفاء بالعقل والقلب.
رابعا :
اوعي تدعي على حبيبك حتى لو كنتي مظلومة ومجروحة لان الحقد والغل على حبيبك تتعب القلب والروح كتير بالع** لو اتمنتيله السعاده هترتاحي كتير اووووي
واخيرا .... يفضل يعني مترتبطوش الا بطريقه شريفة وبعلم الاهل وبشكل رسمي عشان توفروا المواجع دي..